Clare Hollinshead
Teimlai Clare Hollinshead bod ei phryderon wedi’u diystyru a’u bychanu oherwydd ei rhyw a’i hoedran pan ymddangosodd symptomau yn ei thridegau.
Ar ôl cael gwaedu trwm ac aml yn 2016, cafodd Clare wybod gan ei meddyg teulu fod sgan wedi datgelu tyfiant bach ar ei chroth ac fe’i cynghorwyd y dylai gael ei gweld gan ymgynghorydd.
Adolygodd ymgynghorydd ei sgan ond dywedodd nad oedd angen unrhyw brofion pellach oherwydd ei hoedran. Gan ei bod yn 37 ar y pryd, fe’i cynghorwyd “na fyddai’n ddim byd sinistr” ac awgrymodd yr ymgynghorydd hyd yn oed y dylai ddechrau codi pwysau.
Cynigiodd yr ymgynghorydd abladiad o’r groth fel opsiwn i leihau’r gwaedu. Dau ddiwrnod ar ôl y driniaeth, roedd Clare yn yr adran damweiniau ac achosion brys ac roedd amheuaeth o sepsis. Er gwaethaf cael sganiau yn ystod y derbyniad brys hwn, ni welwyd bod y coil a osodwyd yn ystod yr abladiad yn eistedd yn ei serfics yn lle ei chroth. Ni allai meddygon egluro’r gwaedlif yr oedd Clare yn ei brofi a chynghorwyd bod yn rhaid iddo ‘yn unig’ wella o’r abladiad a’r haint a chafodd ei rhyddhau.
Bedwar mis yn ddiweddarach, cafodd Clare apwyntiad dilynol gyda’r ymgynghorydd a oedd yn dal i fethu deall pam ei bod yn gwaedu mor drwm bob dydd, ac am fisoedd. Yn dilyn archwiliad mewnol, fe wnaethon nhw awgrymu nad oedd ei choil yn edrych yn hollol iawn a’i dynnu. Rhagnodwyd meddyginiaeth ffibroid iddi, er nad oedd ganddi unrhyw ffibroidau, ond ni chafodd unrhyw beth arall ei awgrymu na’i gynnig.
Achosodd tynnu’r coil haint arall ac ymweliad arall â’r adran damweiniau ac achosion brys. Wrth gael ei derbyn y tro hwn – blwyddyn ers i’w meddyg teulu roi gwybod i ddechrau am y twf – dangosodd uwchsain faes pryder enfawr yn ei chroth. Yn dilyn llawdriniaeth a biopsi, dywedwyd wrth Clare fod ganddi ganser endometrial a bod angen hysterectomi.
Dywedodd Clare: “Wrth aros i gael fy nghludo i lawr i’r theatr am lawdriniaeth, dywedodd y llawfeddyg wrthyf wedyn y gallent hefyd weld maes sy’n peri pryder ar fy ofarïau a’u bod yn teimlo ei bod yn well tynnu’r rheini hefyd. Cefais fy ngadael yn bryderus bod y canser eisoes wedi lledu ond bu’n rhaid i mi reoli’r teimladau hyn ar fy mhen fy hun wrth i mi aros i gael tynnu fy nghroth, ofarïau a serfics.”
Yn dilyn llawdriniaeth, disgrifiwyd bod canser Clare wedi datblygu gyda dryswch ynghylch a oedd yn endometrial, yn ofari, neu’r ddau. Cafodd ei hystyried yn ‘anarferol’ gan fod y canser hwn fel arfer yn effeithio ar fenywod hŷn.
“Cefais cemotherapi, radiotherapi, cemobelydredd a bracitherapi, i gyd yn greulon ond ni weithiodd ac yn 2018 dywedwyd wrthyf fod fy nghanser yn un na ellid ei wella ac roeddwn yn edrych ar rai misoedd byr o fywyd. Roedd canser wedi lledu trwy fy mhelfis, i fy ysgyfaint a’m hymennydd ac roedd tiwmor mawr yn lapio’i hun o amgylch fy ngholuddyn. Roedd pryderon am fy iau a’m harennau a chefais fy atal rhag gyrru, fe’m cynghorwyd i beidio â chael fy ngadael ar fy mhen fy hun ac yn sicr nid ymddiriedwyd ynof i ofalu am fy mhlant bach yn ar fy mhen fy hun oedd yn 5,7 a 9 ar y pry
“Yn dilyn conger da, dywedais wrth fy mhlant fy mod yn marw, sef y diwrnod mwyaf torcalonnus hyd yn hyn. Nid oedd cemotherapi yn effeithiol i mi wrth i’r canser dyfu tra roeddwn i’n ei dderbyn – dywedwyd wrthyf nad oedd dewis arall gennyf. Ar ôl holi am imiwnotherapi, dywedwyd wrthyf na fyddai’n gweithio a chefais fy atgyfeirio at ofal lliniarol.
“Penderfynais wedyn fod angen ail farn arnaf er mwyn tawelu meddwl ac i ddangos i’m plant fy mod wedi gwneud popeth o fewn fy ngallu i fod o gwmpas ar eu cyfer. Gwelodd ymgynghorydd (preifat) gwahanol fi, esboniodd fod peth o’r hyn a ddywedwyd wrthyf yn gamarweiniol ac y gallai imiwnotherapi weithio rhyfeddodau neu y gallai leihau’r amser oedd gennyf ar ôl. Roedd yn rhaid i mi benderfynu.
“Dewisais gymryd y risg ac rwyf bellach wedi cael rhyddhad llawn heb unrhyw dystiolaeth o afiechyd. Nid oeddwn yn gallu cael gafael ar y cyffuriau sydd wedi achub fy mywyd trwy GIG felly rwyf wedi dod yn glaf preifat sy’n dod â’i deimladau a’i euogrwydd ei hun.
“Ces i bedair blynedd a hanner o driniaeth imiwnotherapi ac rydw i wedi bod yn byw hebddo ers ychydig dros flwyddyn sydd bellach yn frawychus. Dywedwyd wrthyf nad oes map ffordd ar gyfer hyn ac mae bellach yn aros i weld a fydd yn dychwelyd. Mae pob sgan yn ddychryn ac yn fy ailosod wrth i mi ddechrau pob cyfnod o chwe mis o’r newydd.
“Pe bai fy symptomau sy’n gysylltiedig â merched wedi’u cymryd o ddifrif i ddechrau a phe na bai fy oedran wedi’i ddiystyru ond bod fy llais wedi’i glywed bod popeth roeddwn i’n ei brofi yn anarferol i mi, efallai y byddwn wedi osgoi llawer iawn o drawma. Rwy’n drist iawn bod achlysuron wedi’u colli i ganfod y canser hwn ac eto rwy’n parhau i fod yn ddiolchgar i’r meddyg teulu benywaidd a ddywedodd wrthyf am fynd ar ôl atebion a’r gynae-oncolegydd benywaidd a gynigiodd fy nhrin yn breifat pan oeddwn wedi rhedeg allan o opsiynau. Ni allaf ond gobeithio y bydd yr hyn a ddysgwyd o’m gwellhad dros dro hollol annisgwyl yn gallu helpu menywod sy’n dod ar fy ôl.”
Mewn cydweithrediad â
